لاہورہائیکورٹ نے وزیراعظم اوروزیراعلیٰ پنجاب کیخلاف مقدمہ درج نہ کرنے کی درخواست مسترد کردی

درخواست گزاروں نے جسٹس آف پیس کے فیصلے کے خلاف کوئی ٹھوس قانونی جواز پیش نہیں کیا،لاہور ہائیکورٹ، فوٹو:فائل

لاہور ہائی کورٹ نے وزیراعظم اوروزیراعلیٰ پنجاب کے خلاف مقدمہ درج کرنے کا سیشن کورٹ کا حکم کالعدم قرار دینے کی درخواست مسترد کرتے ہوئے فیصلے کو برقرار رکھنے کا حکم دیا ہے۔

 لاہور ہائی کورٹ کے جسٹس مقبول باجوہ نے وفاقی وزرا پرویز رشید،خواجہ آصف،سعدرفیق اور عابد شیر علی کی جانب سے دائر درخواستوں کی سماعت کی جس میں وفاقی وزرا نے سانحہ ماڈل ٹاؤن پر ایڈیشنل سیشن جج کی جانب سے وزیراعظم نواز شریف اور وزیراعلیٰ پنجاب شہباز شریف سمیت 21 افراد کے خلاف مقدمہ درج کرنے کے حکم کو کالعدم قرار دینے کی استدعا کی تھی، درخواستوں پر دلائل دینے کے لیے پاکستان عوامی تحریک اور وفاقی وزرا کے وکلا پیش ہوئے جبکہ عدالت نے دوران سماعت جے آئی ٹی کے سربراہ اور ایڈووکیٹ جنرل پنجاب کو بھی طلب کیا۔

عدالت عالیہ نے دونوں فریقین کے دلائل سننے کے بعد ایڈیشنل سیشن جج کا حکم برقرار رکھتے ہوئے وفاقی وزرا کی درخواستیں مسترد کردیں۔ عدالت نے اپنے مختصر فیصلے میں کہا ہے کہ درخواست گزاروں نے جسٹس آف پیس کے فیصلے کے خلاف کوئی ٹھوس قانونی جواز پیش نہیں کیا جس کے بعد سانحہ ماڈل ٹاؤن پر وزیراعظم اور وزیراعلیٰ پنجاب سمیت 21 افراد کے خلاف مقدمہ درج کرنے کا حکم برقرار رکھا گیا ہے۔

واضح رہے کہ 17 جون کو ماڈل ٹاؤن میں ڈاکٹر طاہرالقادری کے گھر کے باہر سے بیریئر ہٹانے کے معاملے پر پولیس اور کارکنان میں تصادم ہوا جس میں 14 افراد جاں بحق اور 80 سے زائد زخمی ہوئے تھے

 

 

Read More »

’چن کتھاں گزاری ای رات وے‘

پاکستانی سوشل میڈیا پر انقلاب اور آزادی مارچ کے لیے ایک جنگ لڑی جا رہی ہے۔

گذشتہ رات عمران خان اور طاہر القادری کے اسلام آباد پہنچنے کی گہما گہمی ٹوئٹر پر نظر آئی مگر اسلام آباد پہنچ کر عمران خان کا مبینہ طور پر غائب ہونا اور بنی گالا چلے جانے کا ٹوئٹر نے شدید نوٹس لیا۔

یہ ان چند مواقع میں سے ایک تھا جب کٹر انصافین بھی اپنے قائد اور ان کے اس اقدام کی حمایت یا دفاع کرنے کے قابل نظر نہیں آرہے تھے۔

اس پر مزید تیل چھڑکنے کے لیے سرکردہ سیاستدان، اینکر، صحافی بھی میدان میں اترے جس کا اندازہ آپ کو اُن کی ٹویٹس سے ہو جائے گا۔

وزیر دفاع اور مسلم لیگ کے رہنما خواجہ آصف جو ٹوئٹر پر کبھی کبھی کبھار نظر آتے ہیں نے ٹویٹ کی کہ ’ وہ لوگ کہاں گئے جنہوں نے عوام کے ساتھ سڑک پر سونے کا عہد کیا تھا؟؟؟‘

یہ ابھی کافی نہیں تھا کہ اینکر شاہ ذیب خانزادہ نے فیس بک پر لکھا کہ ’ایک گھنٹے کے زبردست شو کے بعد خبر ہے کہ عمران خان اپنے بیچارے کارکنوں کو بارش میں چھوڑ کر بنی گالا سونے چلے گئے۔ رہنمائی کے ایک سنہری موقعے کا کس قدر ضیاع ہے یہ۔‘

مرتضیٰ سولنگی نے ٹویٹ کی کہ ’استعفے منزل ہیں تو اگر وزیراعظم استعفیٰ نہیں دیتے تو عمران خان کو خود مارچ کا ناکامی پر استعفیٰ دے دینا چاہیے۔ امپائر انگلی اٹھائیں تاکہ عمران خان بنی گالا جا سکیں۔‘

اور ہمارے ٹوئٹر حضرات کہاں اپنی حسِ مزاح کےاستعمال کا ایسا سنہری موقع ہاتھ سے جانے دیتے انہوں نے ٹویٹس کا ایک سلسلہ شروع کیا جو لمبے عرصے تک شاید انصافینز کا پیچھا نہ چھوڑے۔

جمیل قاضی نے ٹویٹ کی کہ ’اسلام آباد ٹیسٹ میں بارش ،بخار اور لیڈروں کی تهکاوٹ کی وجہ سے کھیل روک دیا گیا ہے۔ امپائروں کا 3 بجے کھیل دوبارہ شروع کرنے کا فیصلہ‘

محسن حجازی نے ٹویٹ کی کہ ’جدہ بھاگ گیا، جدہ بھاگ گیا کے بعد اب پیش خدمت ہے نئی مزاحیہ فلم بنی گالا بھاگ گیا۔ رنگین سینما سکوپ ٹیکنی کلر۔

جمیل قاضی کی یہ ٹویٹ تو بہت ہی مقبول رہی ’آج تین بجے کے جلسے کی ابتداء اس گانے سے ہو گی ’چن کتھاں گزاری ائی رات وے‘۔

اسد نے مزاح سے ہٹ کر ٹویٹ کی کہ ’انقلاب آج کے لیے ختم، کارکنوں کے پاس جانے کے لیے کوئی جگہ نہیں ہے۔ حکومت گرانے کے ہمت کے دعوے مگر اسے چلانے کے بارے میں کوئی اندازہ نہیں۔ ہمیشہ کے لیے‘

اسی دوران وزیراعظم کی صاحبزادی مریم نواز شریف نے ٹویٹ کی کہ ’وزیراعظم نواز شریف بے یارو مددگار چھوڑے جانے والح آزادی مارچ کے پی ٹی آئی کارکنوں کے لیے پانی اور کھانا بھجوا رہے ہیں۔ ان کے لیے ضروری انتظامات بھی کر رہے ہیں۔‘

دوسری جانب ان مارچ کرنے والوں کے مقاصد کے حوالے سے ٹوئٹر پر صارفین نے میڈیا اور مارچ کرنے والوں کو تنقید کا نشانہ بنایا  - ایسا ہی ہونا چاہیے اور یہ ذہن میں رکھنا چاہیے کہ پچیس سیٹوں والا سٹریٹ پاور شو کرسکتا ہے تو ایک سو پچیس والا بھی کرسکتا ہے‘

زالان نے میڈیا کی جانب سے مارچ کرنے والوں کی تعداد کو بے معنی قرار دینے پر ٹویٹ کی کہ ’میڈیا کے جوکر کہہ رہے ہیں کہ تعداد کوئی معنی نہیں رکھتی ، کل میں بھی دس لوگوں کو لے کر دھرنا دونگا تم کوریج کرو گے؟‘

صحافی طلعت حسین نے ٹویٹ کی کہ ’یہ آدمی سفید جھوٹ بولتا ہے اور میڈیا اسے چلاتا ہے؟ کیوں؟ ایک مداری جو کہ انقلابی کے بہروپ میں ہے اور اسے ہر جگہ دکھایا جا رہا ہے؟ کیوں؟‘

Read More »

وزیراعظم کاقوم سےخطاب،چیدہ چیدہ نکات سامنےآگئے

اسلام آباد : وزیراعظم میاں محمد نواز شریف کا آج قوم سے ہونے والے خطاب کے اہم نکات سامنے آگئے، ذرائع کا کہنا ہے کہ وزیراعظم نواز شریف کا قوم سے خطاب 3 بنیادی نکات پر مشتمل ہوگا۔

وزیراعظم میاں محمد نواز شریف کے قوم سے خطاب کے نکات سامنے آگئے، ذرائع کا کہنا ہے کہ وزیراعظم اپنے خطاب میں ایک بار پھر عمران خان کو مفاہمت کی پیشکش کریں گے، وزیراعظم عمران خان کو مل کر ترقی کا لانگ مارچ کرنے کی دعوت بھی دیں گے۔

ذرائع کا کہنا تھا کہ قوم سے خطاب میں وزیراعظم بتائیں گے کہ انہوں نے کتنی لچک کا مظاہرہ کیا، خطاب میں ملک دشمنوں کے خلاف شمالی وزیرستان میں جاری آپریشن ضرب عضب میں فوج کی قربانیوں کا بھی ذکر ہوگا، جب کہ وزیراعظم یہ بھی بتائیں گے کہ آپریشن کے ضرب عضب کے دوران ملک محاذ آرائی کا متحمل نہیں ہوسکتا۔

ذرائع کا مزید کہنا تھا کہ وزیراعظم حکومت کی معاشی کامیابیوں کا بھی ذکر کریں گے، دھرنوں سے متاثر معیشت کا بھی ذکر کیا جائے گا۔ وزیراعظم انتخابی اصلاحات پر آمادگی بھی ظاہر کریں گے

Read More »

وزیراعظم نوازشریف کل قوم سے خطاب کریں گے

وزیراعظم ایک سالہ حکومتی کارکرگی بھی قوم کے سامنے پیش کریں گے، فوٹو:فائل

 وزیراعظم نوازشریف کل قوم سے خطاب کریں گے جس میں وہ قوم کو موجودہ صورتحال پر اعتماد میں لیں گے۔

Read More »

گال ٹیسٹ: پاکستان کو سری لنکا سے 7 وکٹوں سے شکست

گال: گال ٹیسٹ کے آخری روز پاکستان نے چار رنز ایک وکٹ کے نقصان پر دوسری اننگز شروع کی تاہم پاکستانی بیٹسمین روایتی غیر ذمہ دارانہ اور سست رفتار بیٹنگ نے ڈرا کی جانب گامزن میچ کو شکست میں تبدیل کر دیا۔

پاکستان کی پوری ٹیم 180رنز پر ڈھیر ہوگئی۔

سری لنکا کی جانب سے رنگانا ہیراتھ نے شاندار باؤلنگ کا مظاہرہ کرتے ہوئے 6وکٹیں حاصل کیں۔

پاکستانی وکٹ کیپر سرفراز احمد نے 52رنز کی اننگز کھیلی جبکہ اظہر علی نے 41 رنز اور کپتان مصباح الحق 28رنز بنا سکے۔

سری لنکا کو کامیابی کے لیے 21اوورز میں 99رنز کا ہدف ملا جو سری لنکن بیٹسمنوں نے تین وکٹوں کے نقصان پر 17ویں اوور میں ہی حاصل کرلیا۔

واضح رہے کہ پاکستان نے پہلی اننگز میں 451 رنز بنائے تھے جبکہ 145 اوورز میں یہ اسکور بنایا گیا تھا جس میں یونس خان کی 177 رنز کی شاندار اننگز بھی شامل تھی ان کے علاوہ اسد شفیق نے 75 رنز، سرفراز احمد نے 55 رنز اور عبدالرحمن نے 50 رنز بنائے تھے، سری لنکا دلروان پریرا نے 137 رنز کے عوض 5 کھلاڑیوں کو پولین کا راستہ دکھایا جبکہ رنگانا ہیرات نے 116 رنز دے کر 3 وکٹیں اور دہمیکا پرساد نے 81 رنز دے کر 2 وکٹیں حاصل کیں۔

پاکستان کے 451 رنز کے جواب میں سری لنکا نے 163اوورز میں پہلی اننگز میں 533 رنز بنا کر 9 کھلاڑی آوٹ پر اننگز ڈکلیئر کر دی، سری لنکن بیٹسمین کمار سنگا کارا 221 رنز کے ساتھ سر فہرست رہے جبکہ اینگو میتھیوز نے 91رنز، کوشال سلوا نے 64رنز اور مہیلا جے وردنے نے 59رنز بنائے، پاکستان کی جانب سے سعید اجمل نے 166رنز دے کر 5 کھلاڑیوں کو آوٹ کیا جبکہ جنید خان نے 104 رنز دے کر 2وکٹیں، محمد طلحہ نے 104 رنز دے کر ایک وکٹ اور عبدالرحمن نے 123 رنز کے دے کر ایک وکٹ حاصل کی۔

پاکستان نے اپنی دوسری اننگز میں بدترین کارکردگی کا مظاہرہ کیا اور پوری ٹیم 80 اوورز میں 180 رنز پر آئوٹ ہو گئی۔

جس میں سرفراز احمد 52 رنز(ناٹ آئوٹ) بنا کر نمایاں رہے ان کے علاوہ اظہر علی نے 41رنز، مصباح الحق نے 28، احمد شہزاد نے 16 اور یونس خان نے 13 رنز بنائے، ان کے علاوہ کوئی بھی کھلاڑی دو ہندسوں میں داخل نہ ہو سکا۔

سری لنکا نے پاکستان کے خلاف صرف 4 بالرز استعمال کیے جس میں رنگانا ہیرات نے صرف 48 رنز کے عوض 6 وکٹیں حاصل کیں، ان کے علاوہ دلوران پریرہ نے 68 رنز دے کر 2 وکٹیں، دہمیکا پرساد نے 10 رنز دے کر ایک وکٹ اور شاہمندہ ایرنگا نے 44 رنز دے کر ایک وکٹ حاصل کی۔

دوسری اننگز میں پاکستان کے 180 رنز پر آئوٹ ہونے سے سری لنکا کو صرف 99 رنز کا ہدف ملا تھا۔

سری لنکا کو یہ ہدف 21 اوورز میں حاصل کرنا تھا جو کہ اس نے صرف 2۔16 اوورز میں حاصل کر لیا جبکہ اس کے تین کھلاڑی آئوٹ ہوئے۔

مہیلا جے وردنے 26رنز، کمار سنگا کارا 21رنز اور اوپل ترنگا 12 رنز بنا کر آئوٹ ہوئے جبکہ انڈریومیتھیوز 25 اور کھیتروان ویتھنگے 11رنز کے ساتھ ناٹ آئوٹ رہے۔

پاکستان کی جانب سے جنید خان نے 55 رنز دے 2وکٹیں اور محمد طلحہ نے 12رنز کے عوض ایک وکٹ حاصل کی۔

یاد رہے کہ اس کامیابی کے بعد سری لنکا کو دو میچوں کی سیریز میں 0-1 سے برتری حاصل ہو گئی ہے۔

Read More »