لاہورہائیکورٹ نے وزیراعظم اوروزیراعلیٰ پنجاب کیخلاف مقدمہ درج نہ کرنے کی درخواست مسترد کردی

درخواست گزاروں نے جسٹس آف پیس کے فیصلے کے خلاف کوئی ٹھوس قانونی جواز پیش نہیں کیا،لاہور ہائیکورٹ، فوٹو:فائل

لاہور ہائی کورٹ نے وزیراعظم اوروزیراعلیٰ پنجاب کے خلاف مقدمہ درج کرنے کا سیشن کورٹ کا حکم کالعدم قرار دینے کی درخواست مسترد کرتے ہوئے فیصلے کو برقرار رکھنے کا حکم دیا ہے۔

 لاہور ہائی کورٹ کے جسٹس مقبول باجوہ نے وفاقی وزرا پرویز رشید،خواجہ آصف،سعدرفیق اور عابد شیر علی کی جانب سے دائر درخواستوں کی سماعت کی جس میں وفاقی وزرا نے سانحہ ماڈل ٹاؤن پر ایڈیشنل سیشن جج کی جانب سے وزیراعظم نواز شریف اور وزیراعلیٰ پنجاب شہباز شریف سمیت 21 افراد کے خلاف مقدمہ درج کرنے کے حکم کو کالعدم قرار دینے کی استدعا کی تھی، درخواستوں پر دلائل دینے کے لیے پاکستان عوامی تحریک اور وفاقی وزرا کے وکلا پیش ہوئے جبکہ عدالت نے دوران سماعت جے آئی ٹی کے سربراہ اور ایڈووکیٹ جنرل پنجاب کو بھی طلب کیا۔

عدالت عالیہ نے دونوں فریقین کے دلائل سننے کے بعد ایڈیشنل سیشن جج کا حکم برقرار رکھتے ہوئے وفاقی وزرا کی درخواستیں مسترد کردیں۔ عدالت نے اپنے مختصر فیصلے میں کہا ہے کہ درخواست گزاروں نے جسٹس آف پیس کے فیصلے کے خلاف کوئی ٹھوس قانونی جواز پیش نہیں کیا جس کے بعد سانحہ ماڈل ٹاؤن پر وزیراعظم اور وزیراعلیٰ پنجاب سمیت 21 افراد کے خلاف مقدمہ درج کرنے کا حکم برقرار رکھا گیا ہے۔

واضح رہے کہ 17 جون کو ماڈل ٹاؤن میں ڈاکٹر طاہرالقادری کے گھر کے باہر سے بیریئر ہٹانے کے معاملے پر پولیس اور کارکنان میں تصادم ہوا جس میں 14 افراد جاں بحق اور 80 سے زائد زخمی ہوئے تھے

 

 

Read More »

وزیراعظم کاقوم سےخطاب،چیدہ چیدہ نکات سامنےآگئے

اسلام آباد : وزیراعظم میاں محمد نواز شریف کا آج قوم سے ہونے والے خطاب کے اہم نکات سامنے آگئے، ذرائع کا کہنا ہے کہ وزیراعظم نواز شریف کا قوم سے خطاب 3 بنیادی نکات پر مشتمل ہوگا۔

وزیراعظم میاں محمد نواز شریف کے قوم سے خطاب کے نکات سامنے آگئے، ذرائع کا کہنا ہے کہ وزیراعظم اپنے خطاب میں ایک بار پھر عمران خان کو مفاہمت کی پیشکش کریں گے، وزیراعظم عمران خان کو مل کر ترقی کا لانگ مارچ کرنے کی دعوت بھی دیں گے۔

ذرائع کا کہنا تھا کہ قوم سے خطاب میں وزیراعظم بتائیں گے کہ انہوں نے کتنی لچک کا مظاہرہ کیا، خطاب میں ملک دشمنوں کے خلاف شمالی وزیرستان میں جاری آپریشن ضرب عضب میں فوج کی قربانیوں کا بھی ذکر ہوگا، جب کہ وزیراعظم یہ بھی بتائیں گے کہ آپریشن کے ضرب عضب کے دوران ملک محاذ آرائی کا متحمل نہیں ہوسکتا۔

ذرائع کا مزید کہنا تھا کہ وزیراعظم حکومت کی معاشی کامیابیوں کا بھی ذکر کریں گے، دھرنوں سے متاثر معیشت کا بھی ذکر کیا جائے گا۔ وزیراعظم انتخابی اصلاحات پر آمادگی بھی ظاہر کریں گے

Read More »

وزیراعظم نوازشریف کل قوم سے خطاب کریں گے

وزیراعظم ایک سالہ حکومتی کارکرگی بھی قوم کے سامنے پیش کریں گے، فوٹو:فائل

 وزیراعظم نوازشریف کل قوم سے خطاب کریں گے جس میں وہ قوم کو موجودہ صورتحال پر اعتماد میں لیں گے۔

Read More »

عسکری قیادت سے ساتھ دینے کی اپیل ، قومی سلامتی کمیٹی کے اجلاس کی اندرونی کہانی سامنے آگئی

اسلام آباد(خصوصی رپورٹ) وزیراعظم نواز شریف کی زیرصدارت ہونیوالے قومی سلامتی کمیٹی کے اجلاس کی اندرونی کہانی سامنے آگئی ہے جس کے مطابق تمام سیاسی جماعتوں نے فوج سے مارشل لاءنہ لگانے کی اپیل کردی اور موقف اپنایاکہ پاکستان کی ترقی جمہوریت سے ہی وابستہ ہے تاہم عسکری قیادت نے مالی معاونت کی درخواست کرتے ہوئے تمام ترتوجہ ’ضرب عضب‘ تک مرکوز رکھی ۔
ذرائع نے انکشاف کیاکہ اجلاس کے دوران تقریباً تمام سیاسی جماعتوں نے پاک فوج سے جمہوریت کا ساتھ دینے کی اپیل کی اور موقف اپنایاکہ ملکی ترقی کیلئے سول و عسکری قیادت کو اکٹھے چلناہوگا۔
محمود خان اچکزئی نے کہاکہ جمہوریت ملکی ترقی کیلئے ناگزیر ہے ، مسلح افواج بھی سول قیادت کا ساتھ دیں ۔
ایم کیوایم کے رہنماءفاروق ستار نے ملک کی موجودہ صورتحال کی کھل کر مخالفت کرتے ہوئے گرفتاریوں اور پکڑ دھکڑکی مذمت کی ۔اُنہوں نے حکومتی پالیسیوں کوتنقید کانشانہ بناتے ہوئے مطالبہ کیاکہ حکومت مظاہرین کے ساتھ سوجھ بوجھ سے کام لے اور جانی نقصان سے گریز کریں ۔
اجلاس کے دوران بی این پی کی رکن سینیٹر کلثوم پروین نے دہشتگردی کیخلاف پاک فوج کی قربانیوں کو سراہتے ہوئے مطالبہ کیاکہ شمالی وزیرستان میں شدت پسندوں کیخلاف شروع کیاگیاآپریشن ہرحال میں مکمل کیاجائے ۔
ڈی جی ایم او نے ضرب عضب پر شرکاءکو بریفنگ دی اور سیاسی جماعتوں سے آپریشن کا ساتھ دینے ، آپریشن کے لیے مالی معاونت کا مطالبہ کردیا۔
بعدازاں سید خورشید شاہ نے بتایاکہ پاک افغان سرحد پر سیکیورٹی موثر بنانے پر بھی اتفاق کیاگیاہے ۔
آرمی چیف جنرل راحیل شریف کاکہناتھاکہ وہ عملی بندے ہیں ، دہشتگردوں میں بہت سے غیرملکی ہیں ،آپریشن کا ٹارگٹ شخصیات نہیں ، دہشتگردہیں، پختونوں سے کوئی زیادتی نہیں ہوگی تاہم سیاستی معاملات پر بات کرنے سے گریز کیا۔

Read More »

سرگودھا میں عوامی تحریک کے کارکنوں اور پولیس میں جھڑپ، 8 موبائلیں جلا دی گئیں

عوامی تحریک کے مشتعل کارکنوں نے جب پولیس پر دھاوا بولا تو پولیس اہلکار اپنی گاڑیاں چھوڑ کر فرار ہو گئے فوٹو:فائل

  بھیرا کے مقام پر پولیس اور عوامی تحریک کے کارکنوں میں جھڑپ کے نتیجے میں  پولیس اہلکاروں سمیت درجنوں افراد زخمی ہو گئے جب کہ اس دوران مشتعل افراد نے 8 موبائلوں کو بھی آگ لگادی۔
  نیوز کے مطابق پاکستان عوامی تحریک کے کارکن یوم شہداء میں شرکت کے لئے لاہور آ رہے تھے کہ سرگودھا میں بھیرا کے قریب اللہ انٹر چینج کے مقام پر پولیس نے انہیں روکنے کی کوشش کی جس پر دونوں کے درمیان شدید جھڑپیں شروع ہو گئیں اس دوران   فائرنگ بھی کی گئی جس کے نتیجے میں متعدد پولیس اہلکاروں سمیت درجنوں افراد زخمی ہو گئے، پاکستان عوامی تحریک کے مشتعل کارکنوں نے جب  پولیس پر دھاوا بولا تو پولیس اہلکار اپنی گاڑیاں چھوڑ کر فرار ہو گئے جب کہ اس دوران مشتعل افراد نے موقع کا فائدہ اٹھاتے ہوئے پولیس کی 8 موبائلوں کو آگ لگادی۔
آر پی او راولپنڈی،ڈی پی او جہلم اور ڈی پی اور سرگودھا پولیس کی بھاری نفری کے ساتھ جائے وقوعہ پر پہنچے اور مظاہرین کو مشتعل کرنے کے لئے آنسو گیس کی شیلنگ کی تاہم عوامی تحریک کے کارکنوں کی جانب سے بھی پولیس پر پتھراؤ کیا جا تا رہا ۔
واضح رہے کہ پنجاب کے دیگر شہروں میں بھی عوامی تحریک کے کارکنوں اور پولیس کے درمیان جھڑپیں ہوئیں جس میں عوامی تحریک کے کارکنوں سمیت  درجنوں پولیس اہلکار بھی زخمی ہو ئے جب کہ مشتعل افراد نے گزشتہ روز خوشاب میں بھی پولیس اسٹیشن کو نذر آتش کر دیا۔

Read More »